Burri që besohet të jetë më i moshuari në botë, Freddie Blom, ka vdekur në moshën 116 vjeç, raporton BBC.
Dokumentet e Freddie Blom dëshmojnë se ai lindi në Republikën e Afrikës së Jugut në vitin 1904, por emri i tij nuk u gjet asnjëherë në Librin e Rekordeve të Guinness.
Edhe si i ri, në vitin 1918, ai humbi tërë familjen e tij gjatë pandemisë së gripit spanjoll, dhe i mbijetoi dy luftërave botërore dhe aparteidit në Afrikën e Jugut.
Në një intervistë për BBC dy vjet më parë, ai tha se ai me të vërtetë nuk ka një sekret të veçantë për jetëgjatësinë e tij.
“Ka vetëm një sekret – ai mbi ju (Zoti). Ai ka gjithë fuqinë. Unë nuk kam asgjë,” tha Blom
Fredi doli në pension vetëm në moshën 80 vjeç, së pari duke punuar në një fermë dhe më vonë si punëtor në ndërtim.
Një fakt interesant është se ai piu duhan në pjesën më të madhe të jetës, ndrsa hoqi dorë nga alkooli shumë vite më parë.
Gjatë pandemisë së koronavirusit, problemi më i madh i tij se nuk ishte në gjendje të shkonte në dyqan dhe të blinte cigare.
Familja Blom tha që ai vdiq nga një vdekje natyrale në Cape Toën dhe se largimi i tij nuk kishte asnjë lidhje me COVID-19.
“Dy javë më parë ai po çante dru. E dini, ai ishte një burrë i fortë, krenar!”, thotë familja e tij. /tesheshi.com/
