Maya Ruith-Picasso, vajza e piktorit të madh spanjoll, të cilën ai e përjetësoi në shumë prej pikturave të tij, ka vdekur sot në moshën 87-vjeçare, njoftoi familja e saj.
“Maya Ruith-Picasso ndërroi jetë paqësisht këtë mëngjes, e rrethuar nga familja e saj”, thuhet në deklaratën e lëshuar nga avokati Richard Malka, pa dhënë detaje.
Maria de la Conception, ose Maya, siç njihej me dashuri, lindi më 5 shtator 1935 dhe ishte vajza e parë e Picasso-s dhe muzës së tij, Marie-Thérèse Walter, me të cilën ai ishte në lidhje që nga viti 1927. Lindja e kësaj vajze solli ulje-ngritje në jetën e artistes, e cila pati gjithsej katër fëmijë.
Aktualisht në Muzeun Kombëtar të Pikasos në Paris ka një ekspozitë me temën e marrëdhënies së Maya-s me babain e saj. “Maya me një kukull” (1938), “Maya me një kukull dhe një kalë” (1938), “Maya me kostum marine” (1938), “Maya në një përparëse” (1938) janë vetëm disa nga portretet e saj të vogla nga babai Pablo Picasso.
“Ajo është i vetmi person që njoh që nuk flet për Pablo Picasso-n, por për babanë (…) Unë mendoj se kjo dëshmon për marrëdhënien e veçantë që ajo kishte me të”, tha djali i saj, Olivier, për AFP.
Franca dhe Spanja do të përkujtojnë në vitin 2023 50-vjetorin e vdekjes së Pablo Picasso-s, përmes disa ekspozitave të veprave të tij në të dy vendet. /tesheshi.com/
