Jean Kennedy Smith, e dërguara amerikane që luajti një rol kryesor në procesin e paqes në Irlandën Veriore, ndërroi jetë në moshën 92 vjeç. Vajza e saj Kym konfirmoi këtë të enjte në New York Times.
Smith ishte një nga pesë motrat e John F. Kennedy dhe senatorit Robert F. Kennedy.
Një diplomate, aktiviste dhe humaniste e shkëlqyer, Smith ishte fëmija i fundit i gjallë i Joseph P. Kennedy dhe Rose Fitzgerald.
Ajo ishte ambasadorja amerikane në Irlandë në vitet ’90, duke luajtur një rol të rëndësishëm në përpjekjet për të ndaluar dhunën sektare në Irlandën Veriore, shkruan BBC.
Ish-presidenti amerikan Barack Obama në vitin 2011 i dha Jean Kennedy Smith një medalje presidenciale për lirinë, nderin më të lartë civil në vend.
Smith pati një jetë të qetë, derisa pa hyrë në politikë, duke u angazhuar në filantropi dhe duke qëndruar jashtë vëmendjes së publikut të tërhequr nga mbiemri i saj prestigjoz. Sidoqoftë, në 1993, ajo u emërua ambasadore në Dublin nga Presidenti Bill Clinton, duke e bërë atë përsëri një personazh me ndikim publik. /tesheshi.com/
