Ish-senatori amerikan dhe kandidati demokrat për zëvendëspresident, Joe Lieberman, vdiq në moshën 82-vjeçare për shkak të komplikimeve pas një rrëzimi, tha familja e tij të mërkurën, raporton Reuters.
Në një deklaratë të raportuar nga Reuters, thuhet se “gruaja e tij e dashur Hadassah dhe anëtarët e familjes së tij ishin me të kur ai ndërroi jetë”.
“Dashuria e senatorit Lieberman për Zotin, familjen e tij dhe Amerikën zgjati gjatë gjithë jetës së tij në shërbim të interesit publik”.
Në karrierën e tij të gjatë politike u njoh sibashkësponsor i një sërë përpjekjesh legjislative nga Bob Dole që synonin heqjen e embargos ndaj Bosnjës gjatë luftës në këtë vend ballkanik në vitet 1990.
Një nga ato lëvizje nga ana e tyre ishte Akti i Vetëmbrojtjes së Bosnjës i Dole i vitit 1995, i cili u prezantua në fillim të vitit 1995 dhe u mbështet nga Lieberman. Projektligji, i njohur gjithashtu si projektligji Dole-Lieberman, u miratua me 69 vota pro dhe 29 kundër dhe pati mbështetjen dypartiake të 21 demokratëve dhe 48 republikanëve.
Lieberman ishte kandidati i Partisë Demokratike për nënpresident në zgjedhjet e vitit 2000, të cilat i fitoi republikani George W. Bush. /tesheshi.com/
