Muaj pas lirimit nga një burg i gjatë gati dydekadësh, ka ndërruar jetë Nehat Kulla, një ndër të fortët e Tiranës së pas ’90-ës, i cili bëri emër me bëmat e tij në vitin 97-të e tutje, gjersa përfundoi pas hekurave.
I vetëquajturi “Gjeneali”, u njoh për bredhjet e tij sfiduese me Shevrolet ushtarak amerikan nëpër Tiranë, duke udhëhequr një bandë të bindur ithtarësh.
Siç raporton TCH, ai së bashku me familjarë e miq të tij mbajtën të paprekur repartin “xhenios”, ndër të vetmit të padëmtuar gjatë sulmeve.
Kulla, së bashku me të ashtuquajturit ushtarë të tij, e mbajtën repartin nën kontroll për disa kohë, duke i vënë vetës edhe nofkën gjenerali, emër të cilin ia pagëzuan të gjithë banorët e zonës për të cilët ai ishte njeriu më me influencë.
Madje, gjatë vitit 1997, kur shteti kishte humbur kuptimin e vet, ai arrin të krijojë një komisariat të mirëfilltë policie, me aktivitet në zonën e Kinostudios dhe Tufinës në Tiranë.
Ikja e tij nga kjo jetë është ndër të rrallat e ikjeve të të fortëve jo nga plumba hasmi apo rivalësh.
Nehat Kulla ishte 67 vjeç dhe thuhet se vuante nga disa sëmundje. /tesheshi.com/
