Organizata Botërore e Shëndetësisë njoftoi të shtunën se të paktën një fëmijë kishte vdekur mes rasteve në rritje të hepatitit akut nga një shkak i panjohur tek të miturit; ajo kishte raportuar 169 raste në 12 vende.
Sipas organizatës, deri më 21 prill, raste të hepatitit akut me origjinë të panjohur te fëmijët janë regjistruar në Mbretërinë e Bashkuar, SHBA, Spanjë, Izrael, Danimarkë, Irlandë, Holandë, Itali, Norvegji, Francë, Rumani dhe Belgjikë.
Fëmijët që zhvilluan hepatit akut ishin nga një muaj deri në 16 vjeç. Disa u gjykuan se kishin nevojë për transplantim të mëlçisë. Nuk bëhen të ditura detaje për fëmijën që ka ndërruar jetë, as se ku është regjistruar vdekja.
OBSH tha se në 74 rastet e fundit, u zbulua një virus i zakonshëm i gripit, i njohur si adenovirus. Njëzet nga fëmijët e testuar ishin të infektuar me koronavirusin e ri; 19 kishin adenovirus dhe COVID-19.
OBSH tha se po monitoronte nga afër situatën dhe po punonte me autoritetet shëndetësore britanike dhe shtetet e tjera anëtare dhe partnerët për rastet.
Zyrtarët shëndetësorë të SHBA-së kanë lëshuar një paralajmërim urgjent, duke u kërkuar pediatrit që të jenë vigjilentë për rastet e hepatitit tek të miturit, ndoshta të lidhura me një virus gripi, si pjesë e një hetimi më të gjerë për rastet e pashpjegueshme të hepatitit akut tek fëmijët. /tesheshi.com/
