Në 20 vjetorin e ndarjes nga jeta të Shenjtores Nëna Terezë, është bërë shugurimi i Katedrales me të njëjtin emër në Prishtinë, në prani të Kardinalit, Ernest Simoni, i dërguar i posaçëm i Papa Françeskut.
Kardinali shqiptar vlerësoi lartë figurën e Nënës Terezë, duke thënë se ajo është mbushur me dashuri, e Krishti është bërë pasqyrë dhe shembull për gjithë njerëzimin.
“Me Nënën Terezën kanë zbritur engjëjt duke thirrur ejani vëllezër shqiptarë vini dhe përmbysuni para zotit deri në fitoren e madhe atje ku Krishti ju pret dhe dita më e madhe që vjen është dita kur vjen Krishti.
Krishti është babai i gjithë njerëzimit që ka derdhur gjakun për 7 miliardë njerëz. Nënë Terezë e mbushur me dashurinë e Krishtit është bërë pasqyra dhe shembull për të gjithë njerëzimin”, tha ai.
Kardinali shqiptar gjithashtu ka porositur të pranishmit për një rini pa drogë për një martesë me besë.
Ndërsa Aposteli Julis Janosh, lexoi dekretin me të cilin Papa Françesku ka dërguar si delegat për shugurimin, Ernest Simonin.
“Të nderuarit Ernest Simonit, kardinal. Për nder të saj u ndërtua shenjtorja që besimtarët do të mblidhen për ti lartësuar virtytet Nenës Terezë. Që ky tempull të jetë sa më i përshtatshëm do të shugurohet dhe për t´u ndjerë prania e të shenjtës.
Kështu do të kenë më tepër mbrojtjen dhe përkrahjen e saj. Për të kryer këtë rit në mënyrë sa më të lumnueshme vendosëm të të dërgojmë ty vëlla i jonë, biri i këtij populli, po të emëroj ty të dërguarin tonë të jashtëzakonshëm.
Prandaj do të kryesoni liturgjinë e shenjtë ndërsa vëllai jonë Don Gjergji do ta shuguroj këtë tempull kushtuar Shën Terezës së Kalkutës”.
Gonxhe Bojaxhiu, e njohur ndryshe edhe si Tereza e Bekuar e Kalkutës, është shpallur Shenjtore nga Papa i Vatikanit.
Nëna Terezë është shqiptarja e vetme që ka marrë Çmimin Nobel për Paqe. /tesheshi.com/
