Kërkesa e dy partive të koalicionit qeverisës, PS-LSI drejtuar Komisionit Qendror të Zgjedhjeve për shtyrjen e afatit të regjistrimit të partive dhe koalicioneve në zgjedhje, cilësohet jo legjitime nga ana e anëtarit të KQZ-së, Klement Zguri. Në një reagim pas kësaj kërkese, Zguri thotë se një kërkesë e tillë dhe vendimi i mundshëm pro i KQZ-së do të prishte zgjedhjet.
“Sot është data ligjore për të përfunduar regjistrimi. Kërkesa e dy partive nuk është legjitime. Kërkuesit nuk kanë autorizim për këtë kërkesë. Përmbajtja e saj prek zgjedhjet, i prish ato”, thotë Zguri.
Zguri thotë se KQZ nuk mund të shtyjë afatin e regjistrimit, duke shtuar se kjo mund të ndodhë vetëm nëse ka një marrëveshje politike. /tesheshi.com/
