Gazeta sportive katalanase Sport ka analizuar dje në një shkrim emrat e lojtarëve të mundshëm të krahëve që mund të nënshkruajnë me Barcelonën në muajt e ardhshëm, dhe mes tyre rezulton të jetë Elseid Hysaj.
Mosha e madhe e brazilianit Dani Alves, si dhe rënia e ngadaltë në paraqitjet e tij, i kanë bërë drejtuesit e Barcelonës të shohin për një zëvendësues. Alves është tashmë 32-vjeçar, ndërsa kontrata i përfundon në vitin tjetër.
Hysaj ngjan të jetë një prej futbollistëve që skuadra katalanase po e ndjek me vëmendje. Vetëm 22 vjeç, Hysaj është bërë i pazëvendësueshëm te Napoli që prej vitit të parë në skuadër. Forma e tij e shkëlqyer me napolitanët ka tërhequr vëmendjen e një sërë ekipeve, prej të cilave Barcelona duket më e interesuara.
Paraqitja e tij në Euro 2016 me përfaqësuesen shqiptare do të ketë pa dyshim në rol të veçantë në atë se ç’mund të ngjasë gjatë verës. Nëse ai shfaq nivel të lartë gjatë qershorit, e bashkëshoqëruar kjo dhe me një paraqitje pozitive të kombëtares kuqezi, do të ishte krejt i mundur një tranferim në një klub të madh, si te Barcelona. /tesheshi.com/
