“Fëmijëve të mi iu vra nëna para syve si në Siri. Kërkoj dënim maksimal. Nëse nuk jepet, drejtësia ka marrë fund” – kështu është shprehur i revoltuar shtetasi Arjan Prifti, në seancën ndaj Adrian Memollarit, 23-vjeçarit që shtypi në mënyrë makabre bashkëshorten e tij muaj më parë në Tiranë, duke i kaluar me automjet përsipër; skenë e ndodhur në sy të dy fëmijëve të vegjël të saj.
Akuza ka dhënë 10 vjet burg për të riun, ndërsa i ati dy jetimëve me grua të vdekur nga Memollari kërkoi 25 vite të plota. Ngjarja e ndodhur në pranverë ishte nga më të rëndat në rrugët shqiptare.
Memollari, një i ri që përflitej dhe si përdorues droge, e vuri nën rrota nënën e dy fëmijëve duke u larguar më pas nga vendi i ngjarjes. /tesheshi.com/
