Një shpërthim pranë autobusit që përcillte lojtarët e Borusias së Dortmundit drejt stadiumit ku do të luhej një prej çerekfinaleve të para të Champions League-s ka sjellë shtyrjen e ndeshjes.
Borusia e Dortmundit – Monako do të luhet një ditë më pas, të mërkurën, në 18:45.
Mësohet se një prej lojtarëve të Borusias, spanjolli Marc Bartra, është lënduar lehtë dhe është dërguar në spital.
Sipas shtypit sportiv spanjoll, Bartra nuk ka probleme fizike, por është i tronditur tej mase.
Nuk dihen ende hollësi të tjera mbi ngjarjen. /tesheshi.com/
