Zëvendëskryeministri i Kosovës dhe njëherësh edhe ministri i Punëve të Jashtme, Hashim Thaçi nuk do të paraqitet në interpelancë para deputetëve të Kuvendit në seancën e sotme, lidhur me procesin e kufirit me Malin e Zi
Shtyrjen e kësaj interpelance e ka bërë të ditur deputeti i Aleancës për Ardhmërinë e Kosovës, Pal Lekaj. Ai ka thënë se kjo shtyrje është bërë për shkak të ndalimit të kreut të AAK-së, Ramush Haradinaj nga autoritetet e Sllovenisë.
“Pas situatës së krijuar më arrestimin e Haradinajt nga shteti slloven, nuk do të mbahet interpelanca me ministrinë e Punëve të Jashtme”, ka thënë Lekaj.
Kjo është hera e dytë që interpelanca e Thaçit për demarkacionin me Malin e Zi shtyhet. Në seancën e kaluar kjo interpelancë ishte shtyrë për shkak të agjendës së Thaçit. /tesheshi.com/
