Pas negociatave të janarit në Astana të Kazakistanit mes palëve ndërluftuese në konfliktin sirian, të ndërmjetësuara nga Turqia e Rusia, pritej që në nisje të shkurtit të nisnin bisedimet e paqes të udhëhequra nga OKB-ja.
Të parashikuara për më 8 shkurt, bisedimet janë shtyrë për më 20 të po këtij muaji, siç i bëri të ditur Këshillit të Sigurimit i dërguari i posaçëm për Sirinë i OKB-së, Staffan de Mistura.
Ai u tha gazetarëve se shtyrja synonte që t’i jepte kohë opozitës për ta unifikuar delegacionin e saj, si dhe për t’i dhënë një mundësi regjimit për t’u përfshirë seriozisht në lëshime.
Nëse opozita nuk do të ishte ende e bashkuar me ndarjen e ftesave për takimin e Gjenevës, De Mistura deklaroi se do të ishte ai që do ta zgjidhte delegacionin e që do të garantonte që të ishte sa më përfshirës.
I dërguari i posaçëm i OKB-së çmoi se armëpushimi në Siri po funksiononte përgjithësisht në mënyrë mjaft efektive.
Staffan de Mistura raportoi në një takim me dyer të mbyllura të Këshillit të Sigurimit mbi përgatitjet për bisedimet e Gjenevës. /tesheshi.com/
