Një filxhan kafe në mëngjes jo vetëm që ndihmon në shpejtimin e metabolizmit, por mund të jetë dhe një burim të mirash shëndetësore. Marrja e një sasie kafe ditore pa e tepruar mund të mbrojë nga disa sëmundje dhe mund të përmirësojë shëndetin e zemrës.
Nëse doni që ndër përfitime të tjera të humbisni dhe disa kile, atëherë shtojini kafes tuaj të mëngjesit një përzierje me: kanellë, mjaltë dhe vaj kokosi. Përse këto 3 përbërës?
Kanella:
Kanella ndër të tjera është e njohur dhe për cilësinë e saj për të ulur nivelin e sheqerit në gjak dhe jep një ndjenjë ngopje që zgjatë për shumë kohë dhe si pasojë ndikon në humbjen e peshës.
Vaj kokosi:
Po, është e vërtetë: vaji i kokosit është yndyrë por një yndyrë e shëndetshme. E mira është se kurrë nuk depozitohet në dhjam dhe nga ana tjetër ndihmon djegien e yndyrave.
Mjalti:
Është e vërtetë se mjalti ka sheqer, por zakonisht për të djegur sheqerin organizmi përdor vitamina dhe minerale të cilat janë të domosdoshme për të shkrirë yndyrat dhe në këtë rast procesi i tretjes është i balancuar mes marrjes së vlerave ushqyese dhe djegies së tepricave.
Receta:
1 lugë çaji kanellë
3/4 gotë vaj kokosi
1/2 gotë mjaltë organik
Përziejini këto përbërës në një kavanoz dhe ruajini në vend të freskët. Mund të merret një lugë çaji çdo mëngjes për t’ja shtuar filxhanit të kafes. /tesheshi.com/
