“Po gërryen themelet e sjelljes së njerëzve me veten dhe midis njëri-tjetrit”, thotë Chamath Palihapitiya. Facebook ndërmerr hapin e pazakontë e publikon një deklaratë ku mbron veten: ishim të rinj gjashtë vjet më parë.
Një prej ish-shefave ekzekutivë të Facebook-ut, thotë se ndjehet “tmerrësisht fajtor” për punën e bërë për të krijuar aplikacione që sipas tij, “po shkatërrojnë përbërjen sociale sesi funksionon shoqëria”. Deklaratat e tij i bashkohen një kori zërash kritikë ndaj gjigandit të medias sociale.
Chamath Palihapitiya, i cili ka qenë zëvendës-president i sektorit për rritjen e përdoruesve të rrjetit në Facebook, përpara se të largohej nga kompania në vitin 2011, thotë: “ Mjetet e feed-back afat-shkurtëra dhe që përpiqen të çlirojnë domaninën në trurin e njerëzve, që ne krijuam po shkatërrojnë mënyrën sesi funksionon shoqëria. Asnjë debat civil, asnjë bashkëpunim, keqinformim, mosbesim”. Komentet, që u bënë në shkollën e Biznesit në Stanford në muajin nëntor, u publikuan në faqen e internetit të shkollës teknologjike, ditët e fundit.
“Nuk ka të bëjë me punët e rusëve”, shtoi ai. “Ky është një problem global… po gërryen themelet thelbësore sesi njerëzit sillen me veten dhe me njëri-tjetrin”.
Komentet e nëntorit të Palihapitiya u bënë një ditë pasi presidenti themelues i Facebook, Sean Parker, kritikoi mënyrën sesi kompania “shfrytëzon vulnerabilitetin e psikologjisë njerëzore”, duke krijuar “një lak të vlerësimit social në feedback”.
Parker kishte deklaruar në atë kohës e ai ishte “një farë kundërshtuesi i ndërgjegjshëm”, i përdorimit të medias sociale, një qëndrim që merr jehonë në komentet e Palihapitaya i cili thotë se tani shpreson që të përdorë paratë e fituara tek Facebook për të bërë mirë për botën.
“Nuk mund t’i kontrolloj ata”, tha Palihapitaya për ish-punëdhënësit. “Mund të kontrolloj vendimin tim, që është se nuk e përdor atë gjë. Mund të kontrolloj vendimet e fëmijëve të mi, që kanë të bëjnë me faktin që ata nuk lejohen të përdorin atë gjë”.
Ai po ashtu apeloi audiencën e tij për “të kërkuar shpirtin” në lidhje me marrëdhënien e tyre me median sociale. “Sjelljet tuaja, ju nuk e kuptoni, por po programohen”, tha ai. “Nuk ishte e qëllimshme, por tani duhet të merrni një vendim sesa nga shumë duhet të hiqni dorë, nga sa shumë prej pavarësisë suaj intelektuale”.
Kompanitë e medias sociale janë përballur me kqyrje përgjatë vitit të kaluar, pasi kritikët po i lidhin gjithnjë e më shumë ndasitë e shtuara politike në të gjithë globin, me disa platforma që dominojnë debatin online.
Shumë vëzhgues ia atribuojnë rezultatet e papritura të zgjedhjeve presidenciale amerikane të vitit 2016 si dhe referendumit për Brexit të paktën pjesërisht, jehonave ideologjike që krijohen nga aligoritmet e Facebook-ut, apo shfaqjes së “fake neës”, teorive konspirative, dhe propagandës që shkojnë së bashku me burimet legjitime të lajmeve në murin e Facebook-ut.
Kompania vetëm së fundmi, pranoi se kishte shitur hapësirë reklamash për operativët rusë që kërkonin të mbillnin ndasi midis votuesve amerikane gjatë zgjedhjeve të vitit 2016.
Facebook po ashtu përballet me kritika të rënda për rolin e vet në amplifikimin e propagandës anti-Rohingia në Mianmar ku po ndodh spastrim etnik i pakicës muslimane.
Palihapitiya iu referua një rasti nga shteti indian Jharkhand këtë pranverë, kur mesazhet fallco në WhatsApp që paralajmëronin për një grup rrëmbyesish, bënë të mundur linçimin e shtatë njerëzve. WhatsApp është pjesë e Facebook.
“Kjo është ajo me të cilën po përballemi”, tha Palihapitiya “Imagjinoni kur shkoni në ekstrem ku aktorë të këqinj mund të manipulojnë tashmë grupe të mëdha njerëzish për të bërë çdo gjë që ata duan. Është thjesht një situatë e keqe, vërtet e keqe”.
Facebook vendosur përballë kritikave ndërmorri hapin e pazakontë për të dhënë një deklaratë në mbrojtje të vetes. Një zëdhënës i kompanisë tha se Palihapitiya nuk punon më në Facebook për më shumë se gjashtë vjet.
“Kur Chamath ishte në Facebook, ne po fokusoheshim në përvojat e reja të medias sociale në gjithë botën. Facebook ishte një kompani shumë e ndryshme në atë kohë dhe ne tashmë kemi kuptuar se na janë rritur edhe përgjegjësitë”, thuhet në deklaratë.
Përgatiti: Juli Prifti – /tesheshi.com/
