Bastisja e shtëpisë së një mërgimtari nga Kosova ka lënë një bilanc prej një të vdekuri dhe dy të plagosurve.
Nga 4 sa ishin grabitësit, njëri përfundoi në morg ndërsa tjetri në spital.
Ngjarja e cila trazoi familjen nga qyteti i Shtimes ndodhi në orën 03:20, ku personat e maskuar iu drejtuan armët zotit të shtëpisë dhe vëllait të tij, ku mbeti i plagosur në këmbë pronari, identiteti i të cilit nuk u zbulua.
Familja jetonte jashtë Kosovës siç njoftuar autoritetet, Këto të fundit mbërritën me kohë, e megjithatë hajdutët arritën të merrnin një shumë të konsiderueshme prej 24.000 frangash zvicerane.
Policia tregon detajet kur grabitësit e kanë plagosur pronarin e shtëpisë, dhe pas kësaj kanë filluar të ikin prej aty.
Pronari i shtëpisë duke zbritur poshtë e ka takuar vëllain e vet në oborr, i cili e ka dëgjuar krismën, dhe pasi i kanë ndjekur grabitësit i kanë neutralizuar dy prej tyre. Dy të tjerët janë ende në arrati. /tesheshi.com/
