Me shtimin e rasteve të infeksionit me COVID-19, shpresa është të një kërcënim më i dobët i virusit, tha Rektori i Universitetit të Mjekësisë, mjeku Arben Gjata, njëherësh një ndër njerëzit e Komitetit Teknik.
“Unë besoj se kjo ka të bëjë me sezonin. Sipas kolegëve tanë të infektivit rastet nuk janë shumë të rënda dhe ndryshimet që vihen re në analiza janë më të lehta. Është sezoni që përmirëson imunitetin e organizmit. Nëse ne këtë situatë do ta kishim në dhjetor do të ishte shumë më e rëndë sesa tani, sepse përveç COVID-it do të kishim edhe viroza të stinës”, u shpreh më Gjata në “5 Pyetje nga Babaramo”.
Ai, si shkak për këtë galop infektimesh, theksoi mosrespektimin e masave, e njëherësh tha se vatra ishtë pikërisht shërbimi i rikthyer spitalor.
“Ja më larg se pardje, Spitali i Romës kishte 93 raste me koronavoirius. Pra spitalet janë qendrat më të riskuara dhe mund të shërbejnë si burim infeksioni. QSUT duke patur numrin më të madh të shtretërve gjithmonë ka qenë i riskuar. Me hapjen e QSUT është shtuar fluksi i pacientëve dhe fluksi i punës dhe mund të ketë pacientë bartës, por pa shenja klinike. Pra çdo spital është nga vendet më të risktuara për të përhapur COVID-in”, u shpreh Arben Gjata.
Nga ana tjetër, edhe ministrja Manastirliu, foli për masat e pazbatuara si shkak i përhapjes së infeksionit.
“Është një situatë që reflekton rihapjen vjen me numra të shtuara . Ka patur një shtim të rasteve krahasuar me një javë më parë. Ka disa fajtorë që lidhen me mos respektimin e protokolleve. Testet janë një rrjedhojë dhe arsye për të bërë në momentin që janë një hetim epidemiologjik. Karantina na dha një panoramë të qartë të situatës. Tani ndiqet e njëjta strategji duke ndjekur dhe izoluar më shumë. Përgjatë dy javëve kemi patur grumbullime, festa në familje, ceremoni mortore, kemi vatra familjare, në institucione. Ne e kemi thënë që në fillim se është një realitet i ri.
Hapja kërkon zbatimin e protokolleve rigoroze, duhen mbajtur maskat aty kur nuk ruhet dot distancomi fizik. Përgjegjësia kryesore e jona është sigurimi që mjekët dhe infermierët të jenë të mbrojtur. Ne do të jemi të rrezikuar nëse nuk zbatojnë protokollet”, tha Manstirliu në Opinion. /tesheshi.com/
