Te shtimi i raste me infeksion koronar në Shqipëri, kreu demokrat Basha ka parë meritën e kërkesës për më shumë testime, referuar ditëve të karantiës, por që sipas tij, qeveria nuke dëgjoi.
“E kam ngritur këtë çështje me qindra herë, javë pas jave duke nënvizuar se testimi është element shumë i rëndësishëm edhe për strategjinë e daljes.
I kërkova të mbrojë mjekët dhe personelin në spitalet e qendrat shendetesore, të mbyllë fasoneritë dhe call centers si vatrat më të mëdha që rrezikonin infektimin masiv, siç dhe ndodhi. Po ai nuk bëri asgjë.
Propozuam edhe planin për një dalje sa më të lehtë për njerëzit nga karantina, pa rrezikuar shëndetin e tyre dhe duke mbështetur njerëzit në nevojë dhe ekonominë. Sepse shëndeti i qytetareve dhe ekonomia janë prioriteti absolut. Por Rama e kishte mendjen tjetërkund: te shfaqjet dhe zdërhalljet me orë para ekranit si narcisti para pasqyrës…”, shkruan njeriu që drejton opozitën.
Në gjykimin e tij, kjo situatë ka pikërisht shkaktar të parin e qeverisë. /tesheshi.com/
