Edhe 5 raste te reja me infeksion COVID-19 janë regjistruar në Shqipëri, një ritëm rutinor ky, por ku e reja është se tre prej tyre janë italianë.
Nga Institutit të Shëndetit Publik, drejtoresha Albana Fico deklaroi:
“Ju bëj me dije se, në 24 orët e fundit janë testuar 32 persona të dyshuar, prej të cilëve janë konfirmuar:
Janë 5 raste të reja me COVID-19: tre prej të cilëve shtetas italianë që ndodhen aktualisht në Shqipëri, një 80-vjeçar dhe nje 42-vjeçar nga Kavaja”, tha znj. Fico, duke e çuar numrin total në 64 raste, ku hartës së përhapjes që nis nga Tirana vertiaklisht nga Tirana e përfundon në Fier, i është shtuar dhe Kavaja.
Sakaq, Fico tha se “në Spitalin Infektiv ndodhen 32 pacientë të shtruar; tre pacientë janë në terapi intensive, por asnjëri prej tyre nuk është në respiracion të drejtuar. Ndërsa pjesa tjetër e të shtruarve në pavion janë në gjendje të stabilizuar deri në këto momente”. /tesheshi.com/
