Këshilli prej gjashtë anëtarëve të Këshillit për bashkëpunim të vendeve Gjirit (GCC) ka kërkuar të shtunën që OKB të ndërhyjw në Siri për të ndaluar bombardimet ajore në Halep, ku janë vrarë me qindra njerëz.
Këshilli, që përfaqëson Arabinë Saudite, UAE, Bahrejnin, Kuvajtin, Omanin dhe Katarin, ka thënë se ofensiva e qeverisë siriane në qytet ka shkatërruar në mënyrë sistematike lagje të tëra dhe paraqet “një agresion flagrant që është në kundërshtim të plotë me ligjet ndërkombëtare”.
Dështimi i fundit i armëpushimit në Siri ka rritur mundësinë që shtetet e Gjirit, përfshirë Arabinë Saudite dhe Katarin të armatosin kryengritësit sirianë me raketa për të mbrojtur veten kundër avionëve luftarakë sirianë dhe rusë, kanë thënë zyrtarët amerikan të hënën.
SHBA vazhdon të thonë se negociatat janë rruga e vetme për t’i dhënë fund kasaphanës.
Por zhgënjimi me SHBA-të është intensifikuar, duke rritur mundësinë që aleatët e Gjirit, mbështetësit kryesorë të kryengitësve sirianë, apo Turqia të mos vazhdojnë të ndjekin Uashingtonin si udhëheqëse në këtë proces. /tesheshi.com/
