Dy agjenci që organizojnë ture vizitash në Korenë e Veriut, thonë se Shtetet e Bashkuara do t’u ndalojnë qytetarëve të tyre të udhëtojnë në këtë vend.
BBC raporton se “Koryo Tours” dhe “Young Pioneer Tours” thanë se ndalimi do të njoftohet më 27 korrik për të hyrë në fuqi 30 ditë më pas.
Shtetet e Bashkuaar nuk e kanë konfirmuar zyrtarisht lajmin.
“Young Pioneer Tours” ishte agjencia që çoi studentin amerikan, Otto Warmbier në Korenë e Veriut. Më pas, ai u arrestua dhe u burgos për 15 vjet, përpara se të kthehej në gjendje koma në Shtetet e Bashkuara në muajin qershor. Studenti ndërroi jetë pak ditë më vonë. /tesheshi.com/
