Shtëpia e Bardhë i bëri thirrje ushtrisë së Venezuelës për të pranuar një transferim paqësor dhe demokratik të pushtetit nga presidenti Nicolas Maduro te kreu i opozitës Juan Guaida, i cili tha se po merr kontrollin e sektorit të naftës dhe aseteve të Venezuelës jashtë vendit.
“Ne i bëjmë thirrje ushtrisë dhe forcave të sigurisë e Venezuelës për të pranuar një tranzicion paqësor, demokratik dhe kushtetues të pushtetit”, tha John Bolton, këshilltar i Shtëpisë së Bardhë për Sigurinë Kombëtare.
I pyetur për ndërhyrjen e mundshme të SHBA, ai konfirmoi se Presidenti Donald Trump i konsideron “të gjitha opsionet si të mundshme”.
Bolton tha gjithashtu se Shtetet e Bashkuara imponuan sanksione mbi kompaninë shtetërore të naftës në Venezuelë – PDVSA.
Udhëheqësi i opozitës dhe presidenti i vetëshpallur Guaido, i mbështetur nga Uashingtoni, njoftoi në Twitter se “tani e tutje do të marrë kontrollin gradual të aseteve jashtë vendit, në mënyrë për të parandaluar, siç tha “ndarjen e një hajdut nga banda e tij.”
Ai gjithashtu urdhëroi Kongresin që të fillojë procedurën për emërimin e anëtarëve të rinj të bordeve të PDVSA dhe Citgoa, kompani me bazë amerikane në pjesën më të madhe, por në pronësi nga qeveria venezueliane.
Nicolas Maduro po përballet me sfida të pashembullta për qeverinë e tij, pasi Guaido u vetdeklarua javën e kaluar si një president i përkohshëm, duke argumentuar se zgjedhjet ishin të rreme.
Guaido mori mbështetje të gjerë ndërkombëtare, përfshirë Shtetet e Bashkuara. /tesheshi.com/
