Departamenti i Shtetit i ka bërë thirrje Turqisë të mos ndërmarrë ndonjë hap në lidhje me Afrinën në Siri.
“Ne i bëjmë thirrje Turqisë që të mos ndërmarrë hapa lidhur me Afrinën. Të gjithë duhet të përqendrohemi në ISIS”, tha zëdhënësja e Departamentit të Shtetit, Heather Nauert në një konferencë shtypi të përditshme.
Ajo tha se ata nuk e dinte nëse Turqia do të kryejë një operacion mbi Afrinën.
E pyetur se si komenton deklaratën e Ministrit të Jashtëm turk Mevlut Çavusoglu i cili tha se “Turqia nuk është e kënaqur me deklaratat e Shteteve të Bashkuara”, ajo tha se nuk kishte njohuri mbi deklaratat e bëra nga ministri turk.
“Nuk e kam parë deklaratën, por më vjen keq nëse ndihet kështu”, tha Nauert.
Duke përmendur Sekretarin e Shtetit të SHBA, Rex Tillerson, ajo vuri në dukje se Turqia ishte njohur me planet e SHBA-së me forcat lokale në Siri.
“Ne kemi njoftuar turqit rreth qëllimeve tona me forcat lokale. Forcat lokale kanë vendosur siguri në zonat e kapura nga ISIS”, tha Nauert.
Në fund ajo tha se qëllimi i përbashkët në Siri duhet të jetë lufta kundër organizatës terroriste ISIS. /tesheshi.com/
