Ministrat arabë të Punëve të Jashtme ranë në një mendje në një takim të enjten në Egjipt për një projektrezolutë për të formuar një forcë ushtarake arabe të unifikuar, bëri me dije televizioni shtetëror egjiptian.
Marrëveshja erdhi pas sulmeve ajrore të Arabisë Saudite dhe aleatëve arabë ndaj bazave të rebelëve shiitë në Jemen. Të nisura dje, sulmet ajrore synojnë pengimin e përparimit të milicisë shiite në vënien nën kontroll të tërë Jemenit, dhe parandalimin e thellimit të konfliktit në këtë vend arab.
Detyra e forcës ushtarake arabe të unifikuar do të jetë ndërhyrja e shpejtë ushtarake kurdo që do të ketë kërcënime ndaj sigurisë së vendeve arabe. Ministrat i kërkuan sekretarit të Ligës Arabe të bashkërendojë punën me shefat e ushtrive arabe për formimin e forcës së unifikuar. /tesheshi.com/
