Muslimanët në Gjermani nuk po ndihen të sigurt për shkak të islamofobisë në rritje – ka thënë një imam që udhëheqë komunitetin e besimtarëve në Berlin.
“Këtë vit patëm më shumë se 80 sulme ndaj bashkësive të xhamive në Gjermani. Situata e sigurisë është shumë e tensionuar. Myslimanët nuk po ndjehen të sigurt.”, tha Burhan Kesici.
“Autoritetet e sigurisë duhet të punojnë ngushtë me komunitetet, sepse mbrojtja thjesht po neglizhohet”, shtoi ai.
Vërejtjet e tij erdhën vetëm pak ditë pasi policia u detyrua të evakuojë besimtarët nga një xhami në Këln, pas një kërcënimi me bombë.
Ndërkohë, zëdhënësi i Ministrisë së Brendshme gjermane, Steve Alter tha se “ministri ka shprehur shqetësim për sulmet ndaj institucioneve fetare javët e fundit”.
Pas një kontrolli të plotë në kompleksin e Xhamisë Qendrore në Këln me ekipe speciale, policia nuk gjeti asnjë bombë dhe përcaktoi se kërcënimi ishte një “shaka”.
Por shakaja e këtij niveli shkakton frikë më shumë se ç ‘mendohet. Gjermania ka qenë dëshmitare e islamofobisë në rritje vitet e fundit, e gjithë kjo e nxitur nga propaganda e urrejtjes së partive të ekstremit të djathtë. Policia regjistroi 813 krime të urrejtjes ndaj muslimanëve vitin e kaluar, përfshirë fyerje verbale, letra kërcënuese dhe sulme fizike të cilat çuan në dëmtimin e të paktën 54 muslimanëve. Më shumë se 100 xhami dhe institucione fetare u sulmuan gjithashtu nga ekstremistët e ekstremit të djathtë në 2018.
Një vend me mbi 81 milion njerëz, Gjermania është shtëpia e dytë me e madhe e muslimanëve në Evropën Perëndimore, menjëherë pas Francës. /tesheshi.com/
