Pas javësh të kritikave të ndarjes së familjeve të emigrantëve, Shtëpia e Bardhë akuzoi demokratët dhe mediat se mori pamje të një vajze nga Hondurasi në kufirin SHBA-Meksikë për të promovuar axhendën e tyre politike, porse vajza dhe nëna nuk janë aspak të ndara.
Dhjetra gazeta dhe revista ditore publikuan foton e John Moore të Getty Images, e cila shkaktoi zemërim kudo dhe që u bë simbol i procedurës Trump të ndarjes së fëmijëve nga prindërit në kufirin amerikan-meksikan.
Kjo solli me pas anullimin e vendimit, ku Trump u detyrua të nënshkrojë një dekret ekzekutiv që fëmijët nuk duhet të ndahen nga familjet e tyre edhe pse e kanë kaluar kufirin ilegalisht.
“Është një turp që demokratët dhe media shfrytëzojnë fotografinë e një fëmijë të vogël për të promovuar axhendën e tyre. Ajo nuk ishte ndarë nga nëna e saj, ky është fakt. Demokratët duhet të bashkohet me Presidentin dhe të rregullojnë sistemin e emigracionit që është i keq”, tha zëdhënësja e Shtëpisë së Bardhë, Sarah Sanders.
Fotot, ndër të tjera, u publikua dhe nga Time e Washington Post.
Në numrin më të fundit, nën titullin “Mirësevini në Amerikë”, revista Time mori fotografinë e vajzës duke e vendosur atë përballë me imazhin e Trump që e shikonte të miturën nga poshtë.
Sakaq, në një cicërimë të premten, Trimp tha: “Ne nuk mund të lejojmë që vendi ynë të pushtohet nga emigrantët e paligjshëm, ndërsa demokratët tregojnë histori të rreme pikëllimi”
Në Honduras, Denis Valera tha të enjten se vajza e tij dhe nëna e saj, Sandra Sanchez, u arrestuan së bashku në McAllen, ku Sanchez kishte kërkuar azil.
Por më pas ato janë bashkuar, gjë të cilën e ka pranuar dhe prestigjozja Time gjatë një sqarimi. /tesheshi.com/
