Uashingtoni e ka bërë të qartë tashmë se ajo që pret, si kush për rikthimin e normalitetit rë raporteve me Ankaranë, është lirimi i priftit Andrews Brunson. Pastori evangjelist mbahet nga autoritetet turke nën akuzën e bashkëpunimit me grupe terroriste.
“Presidenti ndjen shqetësim të madh për shkak të faktit se pastori Brunson nuk është lëshuar ende”, tha zëdhënësja e Shtëpisë së Bardhë, Sarah Sanders.
Nga media të ndryshme, kjo deklaratë komentohet si mesazh i qartë nga Trump se pos çështjeve të tjera që kanë krijuar të çara në marrëdhëniet turko-amerikane, kjo e priftit mbetet më delikatja që duhet zgjidhur.
Prifti amerikan paraqiti sërish një ankesë në gjykatë turke, duke kërkuar lirimin nga arresti shtëpiak dhe heqjen e ndalimin e udhëtimit.
Ndërkohë, paralel me këtë zhvillim, thuhet se Turqia ka lënë të lirë dy ushtarakë grekë të arrestuar kohë më parë në kufirin mes dy vendeve, pasi kishin kaluar në anën turke. Edhe ky rast u bë shkak për tensionimin e marrëdhënieve mes Turqisë e Greqisë. /tesheshi.com/
