Tom Cruise po shet fermën e tij gati 130 hektarë në Telluride, Colorado për 39.5 milion dollarë.
Aktori i famshëm bleu pronën në 2014 kur ai pagoi 59 milion dollarë për të, sipas Telluride Sotheby’s International Realty.
Cruise gjithashtu zotëron shtëpi në Beverly Hills dhe Clearwater, Florida.
Siç thonë ata, kjo fermë është një pjesë e rëndësishme e historisë së familjes Cruise: atje Tom shijoi kohën me fëmijët e tij dhe qëndroi atje për një kohë të gjatë ndërsa ishte i martuar me aktoren dhe producenten Katie Holmes.
Ishte gjithashtu vendi e intervistës së tij të fundit të madhe me Oprah, e cila ishte magjepsur aq shumë nga kjo fermë sa që në 2016 ajo bleu shtëpinë e saj afër.
Hapësira e jetesës prej rreth 1.000 metra katrorë përfshin një shtëpi kryesore me 10 dhoma gjumi dhe një shtëpi mysafirësh me tre dhoma gjumi. Përveç një kuzhine të madhe, dhomës së ndenjes dhe dhomës së ngrënies për shumë njerëz, ka edhe një palestër, dhomë rekreative dhe bibliotekë.
Jashtë ka një fushë sportive për tenis, basketboll ose hokej mbi akull dhe shtigje private me qasje dhe pamje nga malet e larta në distancë dhe me një derë private në Pyllin Kombëtar të Uncompahgre: shtigje për shëtitje dhe hipur mbi kalë, dhe shtigje për biçikleta dhe automjete bore.
Robert Redford, Jerry Seinfeld dhe stilisti Ralph Lauren gjithashtu kanë shtëpi në Telluride. /tesheshi.com/
