Sërish lajme të këqija nga sektori i të ardhurave. Sipas shifrave të publikuara nga Ministria e Financave, edhe shtatori ka qenë një muaj defiçitar sa i përket të hyrave në buxhetin e shtetit.
Nga 285.9 miliardë lekë të parashikuar, janë mbledhur vetëm 279 miliardë lekë, pra 1.5 miliardë lekë nën parashikimin.
Dikasteri i financave sqaron se peshën kryesore të mosrealizimit e kanë të ardhurat nga Tatimet dhe Doganat: -3.5 miliardë lekë nga këto të fundit dhe -6 miliardë lekë nga Tatimet.
Ndërsa të ardhurat nga Pushteti Vendor kanë qenë 9.4 miliardë lekë, 132 milionë lekë më shumë se parashikimi.
Edhe të ardhurat nga fondet speciale kanë ecuri pozitive për periudhën me rreth 52.7 miliardë lekë miliardë ose 258 milionë lekë më shumë se plani i periudhës.
Të ardhurat në buxhet po bëhen “ferri” i qeverisë Rama, paçka masave drastike të marra në funksion të uljes së informalitetit.
Ndërkohë që starti i qeverisë Berisha në 2005-ën, performancën më të mirë e pati në të ardhurat e Tatimeve dhe Doganave. /tesheshi.com/
