- Gjithmonë hani mëngjes
Të lësh mëngjesin pa ngrënë do të bëjë të ndihesh gjatë gjithë ditën i plogësht dhe i uritur. Gjithashtu lënia e një vakti të bën që metabolizmi të ngadalësohet, e si pasojë humbet peshë më me vështirësi.
- Vendos qëllime javore
Për të humbur peshë presim për rezultate ditore. Dhe nëse nuk i arrijmë atëherë ndodh shpesh që të heqim dorë plotësisht. Kështu vendosja e qëllimeve javore na e shton durimin dhe këmbënguljen
- Mos u bë i rreptë me veten
Mos vendos qëllime të vështira për t’u arritur në mënyrë që qëllimi për të rënë në peshë të kthehet pastaj në një makth. Në të kundërt, duhet të jetë një proces që vjen natyrshëm pas disa hapash dhe kujdesjesh ditore.
- Tregohu i qëndrueshëm
Ndër problemet më të mëdha të mos rënies në peshë është pikërisht mos qëndrueshmëria. Nëse e prishim regjimin disa herë dhe e rinisim përsëri menjëherë pa i lënë kohë organizmit të mësohet do të çojë në një “lodhje” të metabolizmit dhe humbje të elasticitetit që si pasojë me kalimin e kohës do të jetë shumë e vështirë për të rënë dhe shumë e lehtë për të marrë kile.
- Në bazë të regjimit ushqyes përshtat dhe ushtrimet fizike
Nuk ka rënie peshe pa lodhje dhe pa aktivitet fizik! Aktiviteti fizik duhet të përputhet me sasinë e kalorive ditore që ne marrim nëse duam që të ndihemi plotë energji.
- Mos e shiko si dietë
Mendoje si një regjim dhe një mënyrë jetese dhe jo si dietë, sepse askujt nuk i pëlqen të privohet nga gjërat që i pëlqejnë më ë shumti.
- Kujdes nga të ngrënit nga mërzia
Momentet më kritike janë gjithmonë ato kur ne kemi më shumë stres dhe gjejmë strehim tek ushqimi. Për të evituar këtë duhet të gjejmë disa zgjidhje; si marrja me punë shtëpie, shëtitjet apo përdorimi i një ushqimi shumë pak kalorik dhe me vlera ushqyese si ngrënia e një karote, kastraveci, molle apo fruta të thata. Të gjitha këto vetëm sa për të larguar stresin dhe pa e tepruar. /tesheshi.com/
