Shtabi Elektoral i Partisë Demokratike akuzoi shefin e krimeve të rënda në Drejtorinë e Policisë në Dibër se po shpërndan lekë në këmbim të votave me një automjet 6 vendesh ngjyrë gri.
“Admir Trupja, shefi i krimeve të rënda në Drejtorinë e Policisë Dibër, po shpërndan lekë në këmbim të votave me një automjet 6 vendesh ngjyrë gri. Trupja dyshohet se para disa javësh ka marrë 28 mijë euro në këmbim të një sasie droge. Bashkëshortja e Trupjes është zyrtare e Bashkisë Dibër dhe anëtare e shtabit elektoral socialist.PD i ben thirrje prokurorisë të ndalojë në flagrancë shtetasin Trupja.PD i bën thirrje qytetarëve të bëjnë arrestimin qytetar të Admir Trupjes dhe të konfiskojnë paratë e drogës me të cilat po kryen krimin elektoral”, thuhet në njoftimin e demokratëve.
Ndërkohë më herët zëdhënësja e Shtabit Elektoral të Partisë Demokratike vlerësoi pjesmarrjen e deritanishme të votuesve në Dibër. “Qytetarët e Dibrës kanë dëshmuar se përfaqësojnë vlerat e demokracisë, as nuk tremben, as nuk shantazhohen, as nuk blihen. Askush nuk e ndryshon dot vullnetin e tyre. Sot, çdo njeri prej nesh, qytetarëve të Dibrës, ka në dorë me votën e tij të bëjë ndryshimin e madh për Dibrën dhe për të ardhmen tonë”, tha ajo. /tesheshi.com/
