Shqiptari Kejdi Bare do të fillojë aktivizim më të plotë me Atletikon e Madridit. Mesfushori 20 vjeçar është grumbulluar nga trajneri Simeone, bashkë me ekipin e parë.
Fakti që Atletiko nuk mund të bëjë merkato gjatë verës, për shkak të ndëshkimit që ka marrë nga autoritetet financiare të futbollit, e ka ndihmuar Baren të integrohet në skuadër, e ndoshta të aktivizohet më shpesh këtë sezon.
Një vit më parë, mesfushori që luan me “Shpresat” e Shqipërisë, mori vlerësime shumë pozitive nga Simeone, i cili e tërhoqi nga të rinjtë, duke i dhënë disa minuta në ndeshjet e kupës.
Me një shqiptar në kampionatin spanjoll, vëmendja kuqezi do të ketë një përqëndrim më tepër, drejt një kampionati ku pak shqiptarë, për të mos thënë asnjë, kanë patur mundësi të luajnë./tesheshi.com/
