Shqiptar Demaçi, djali i Adem Demaçit, në seancën komemorative tha se babai i tij ka vdekur i qetë, ndërsa tregoi dëshirën që ka pasur.
Shqiptari tha se kjo ishte dëshira e Bacës Adem, veprimtarit të çështjes kombëtare që i kaloi 28 vjet në burg.
“Baca Adem ka vdekur i qetë, gjithmonë i qetë do të jetë, por më i qetë do të jetë në një Kosovë të organizuar, kështu ka qenë dëshira e tij”, tha ai.
Pas seancës, nisën homazhet që po mbahen në Kuvendin e Kosovës e që do vazhdojnë deri në orën 20:00.
Presidenti Hashim Thaci, kryekuvendari Kadri Veseli, Kryeministri Ramush Haradinaj, deputetë të Kosovës e liderë të vendeve të rajonit janë vetëm disa nga personalitet, të cilat nderuan Demaçin.
Pas homazheve liderët shtetëror u shkruan edhe në Librin e Zisë. /tesheshi.com/
