Një shqiptar është dënuar me 20 muaj burg dhe dy vite penalizim përtë shkelur në Britaninë e Madhe.
Alban Balla u arrestua nga policia angleze pasi në shtëpinë e tij u gjetën dhe sekuestruan 206 bimë narkotike, të cilat nëse do të shiteshin kapnin shifrën e 43 mijë eurove.
Bimët narkotike u gjetën në një banesë në Biddulph, e cila ishte kthyer në një serë për kultivimin e narkotikëve.
Policia i gjeti fidanët në dhomat e shtëpisë, ndërsa arrestoi shqiptarin. Ky i fundit u justifikua me faktin se bimët ia kishin dhënë disa shqiptarë të tjerë, të cilët do ti jepnin si shpërblim 4000 euro, pasi ato të ishin rritur.
Por ky justifikim nuk e bindi as policinë dhe as gjykatën.
Bimët, sipas raportit të policisë ishin vendosur në 3 dhoma, të ndriçuara mirë përmes një sistemi ndriçimi me fuqi të lartë. Në një nga dhomat policia gjeti 118 fidanë, në një tjetër 48 dhe në dhomën e tretë 40. Po kështu u kosntatua se shqiptari kishte bërë një lidhje të paligjshme në sahatin e energjisë elektrike, duke mos rënë në sy të konsumit të lartë të saj.
Të gjitha këto policia i paraqiti para gjykatës, ndërsa mbrojtja e të arrestuarit e quajti atë thjesht një kopshtar, që paratë që do t´i jepeshin do t´i dërgonte në Shqipëri. /tesheshi.com/
