Kapet duke vjedhur, por bën për spital edhe dy karabinierë italianë. Ngjarja ka ndodhur në Romë, ku një 36-vjeçar shqiptar kishte hyrë për të vjedhur në një banesë. Banorë të zonës kanë njoftuar policinë, e cila ka zënë në befasi shqiptarin.
Ky i fundit ka tentuar të shpëtojë nga prangat duke bërë rezistencë fizike ndaj dy karabinierëve, të cilët kanë mbetur me dëmtime. Njëri prej tyre ka thyer dorën, ndërsa tjetri dyshohet se ka dëmtuar një nga unazat e shtyllës kurrizore.
Mediat italiane raportojnë se gjithsesi 36-vjeçari dhe një bashkëpunëtor i tij janë arrestuar dhe do i duhet të përballen me akuzën e vjedhjes dhe dhunës ndaj punonjësve të policisë.
Gjatë kontrollit të ushtruar, gjithashtu është zbuluar se automjeti me të cilin autorët kishin shkuar në destinacionin ku do kryenin vjedhjen ishte i grabitur. /tesheshi.com/
