Shqiptarët është shumë lehtë t’i ndërsesh për sherr. Qoftë edhe për një çështje që nuk u takon. E tillë është edhe përleshja virtuale e komentuesve në faqen zyrtare të ambasadës ruse, pra shqiptarë.
Shkas janë bërë deklaratat e ambasadës mbi qëndrimet e Moskës pas dëbimit të diplomatëve nga SHBA e BE.
Në komentet që vihen re në këtë rast nuk ka përgjithsësisht qëndrime të ekuilibruara, por disa janë pro Rusisë dhe kundër qeverisë, disa janë kundër Moskës dhe përdorin fjalor nga më i rëndi.
“O, zot, sa frike kane nga Rusia! i konkuron ne cdo gje. S’po ja ulin dot koken per qamet!”, thotë dikush.
Një tjetër e mbështet: “Shqiptarët thonë: sa më i lartë mali, aq më shumë e rrahin erërat”.
“Tundet mali(rusia) se fryn era”, thotë dikush tjetër.
Një shqiptar tjetër nuk ka dyshime por akuzon direkt Putinin.
“Pas helmimit te ish agjentit me Polonio 110, nxehja zyrtare e Anglise eshte e justifikueshme.
Sepse ne raste te tilla veshtire zbulohet pergjegjsi i aktit kriminal.
E dashur Rusi mos na shkruani perralla kaq te gjata. Hija ju mbetet”, shkruan ai.
Por merr menjëherë përgjigjen e një shqiptari që e do shumë “Ladin” e Kremlinit dhe urren Sergej “tradhtarin”.
“Po ne coftese e kane vrare sigurimi rus m8re ja ka bere ci duhet te spijunoje ai plere”, shkruan një tjetët me një gramatikë shumë po shumë problematike.
“Interesante!”, ja kthen një tjetër.
Kurse komentuesi i radhës e fut çështjen në vorbullën e teorive konspirative.
“Rusia ky vend me besim dhe kulture qe qendron jashte kthetrave masonike”, shkruan ai.
Është interesante se në muret e ambasadës ruse dhe atë amerikane në Facebook, mund të zhvillohen studime shumë interesante mbi qëndrimet socialologjike të shqiptarëve për politikën e vendit të tyre po e po, por edhe gjeopolitikën botërore.
Një tjetër fakt interesant se nga grupimet filoruse janë si ata kundër qeverisë, por ka edhe nga ata pro qeverisë.
Kurse ata që janë kritikë ndaj Moskës duket se janë gjithë pro mazhorancës aktuale.
Edhe në qëndrimet që shikohen në faqen e ambasadës amerikane, ata që sulmojnë apo kritikojnë Lu-në janë kundër Ramës, por gjithsesi ka edhe përkrahës të opozitës që përkrahin amerikanët. /tesheshi.com/
