Organizata politike, joqeveritare, si dhe persona publikë, të tubuar nën platformën “Edhe shqiptarët pa hipoteka”, i kanë dërguar letër të hapur kryetarit të LSDM-së Zoran Zaev, në të cilën kërkojnë që ky detyrimisht të publikojë të gjitha të dhënat që kanë të bëjnë me të kaluarën e dyshimtë të politikanëve shqiptarë në Maqedoni.
“Duke e pasur përvojën e hidhur të së kal
uarës, kur votat e popullit shqiptar në Maqedoni jo pak herë kanë shkuar huq pikërisht për shkak të hipotekave të politikanëve të caktuar shqiptarë, jemi këtu të konstatojmë se ky është momenti më i volitshëm historik që edhe shqiptarët e Maqedonisë ta pastrojnë të kaluarën e tyre dhe t’i pastrojnë hipotekat e politikanëve të tyre në Maqedoni. Asnjë individ, kushdo qoftë ai, nuk është meritor që – për shkak të tij – të mbahet peng një popull i tërë” thuhet mes tjerash në letër.
Në peticion thuhet se “Shqiptarët pa hipoteka” do të kontribuojë për zhvillimin e demokracisë, fuqizimin e stabilitetit, kohezionit shoqëror dhe perspektivës zhvillimore të vendit. /tesheshi.com/
