Veç aktit të vetëlidhjes me zinxhirë të një protestuesi shqiptar, dje, gjatë protestës antiqeveritare në Shkup së organizuar nga Lëvizja për Reforma në PDSH, kryesuar nga Ziadin Sela, është vënë re dhe një parrullë e pazakontë: “Mos na ngucni Fatimen”.
Është fjala për prokuroren shqiptare Fatime Fetai, pjesë e Prokurorisë Speciale themeluar muaj më parë me verdikt ndërkombëtar, e që drejtohet nga maqedonsja Katica Janeva.
Ditët e fundit është përhapur lajmi që ajo është kërcënuar me jetë dhe kjo është reflektuar dhe tek protesta e djeshme, me parullën në fjalë.
Fatime Fetai është ajo që u ka qëndisur dosjet e akuzës një sërë politikanëve maqedonas dhe kjo përbën një krenari për shqiptarët.
Ndaj dhe figura e saj po shikohet me syrin e një heroine brenda kuadrit të zhvillimeve politike në krizën maqedonase. E.H – /tesheshi.com/
