Ende nuk janë mbyllur negociatat mes Partisë Demokratike të Socialistëve në pushtet dhe koalicionit “Shqiptarët e Vendosur”, që kanë marrë një deputet, por që është i domosdoshëm për të formuar qeverisjen e re.
Megjithatë, thuajse janë mbyllur postet e larta dhe emrat që do tí përfaqësojnë shqiptarët në pushtetin e ri malazez të dalë nga zgjedhjet e shtatorit.
Kështu, një zyrtar i koalicionit fitues shqiptar, tha se nënkryetari i Parlamenti dhe ministria e Pakicave janë dy postet e larta që do të mbajë koalicioni i tre partive shqiptarë.
Ndërkaq, nënkryetar i parlamentit do të jetë Genci Nimanbegu, deputeti i vetëm shqiptar dhe ministër i Pakicave do të jetë Mehmet Zenka, kryetar i Unionit Demokratik të Shqiptarëve.
Në fillim ka qenë edhe posti i zv.kryeministrit në lojë, por më pas u vendos që numrin dy të qeverisë do të ketë partia e boshnjakëve, e cila ka dy deputetë.
Në negociatat mes shqiptarëve dhe Podgoricës më shumë se për vende, këtë herë është folur për projekte konkrete zhvillimi.
Paraprakisht është rënë dakord që të caktohet një axhendë e saktë me data konkrere të përfundimit të ndërtimit të rrugëve, spitaleve, shkollave dhe kthimit të pronave në vendet ku jetojnë shqiptare. /tesheshi.com/
