Nga Musa Mustafa
Sheshi i UÇK-së në fshatin Suhodoll, një tip barrikade shqiptare në veri të Mitrovicës nuk do të jetë më. Ai është larguar të premten pas mesditës nga ana e Institucioneve komunale të jugut të Mitrovicës në bashkëpunim me banorët shqiptarë të Suhodollit.
E nga ana tjetër, barrikada serbe Parku i Paqes, e cila është e vendosur në urën kryesore të lumit Ibër, si dhe barrikada në lagjen e boshnjakëve tek Shkolla Teknike, e vendosur po prej serbëve, qëndrojnë në vend.
Po qëndron në vend dhe shesh-barrikada Adem Jashari në Lagjen e Boshnjakëve, e vendosur aty nga shqiptarë, po që institucionet komunale në jug të Mitrovicës kanë paralajmëruar largimin e saj.
“Sheshin e UÇK-së, që e kemi vendosur më 10 korrik 2014, po e largojmë sot pasi një marrëveshje që kemi arritur me institucionet tona Komunale”, tha Gëzim Paçarada, përfaqësues i fshatit Suhodoll.
“Ka ardhur koha për ta larguar, dhe këtë po e bëjmë pas një bisede që kemi pasuar me kryetarin e Komunës, Agim Bahtirin dhe në të mirë të qarkullimit të lirë të qytetarëve e makinave edhe në veriun e Kosovës”, ka shtuar Paçarada.
Por sipas tij, kjo duhet të detyrojë kryetarin e Veriut që serbët e atjeshëm të bëjnë të njëjtën gjë, të heqin barrikadat e tyre, sidomos Parkun e Paqes tek ura e Ibrit.
Sakaq, edhe kryetari i komunës së Jugut, Agim Bahtiri përcolli të njëjtin mesazh:
“Ne shqiptarë po fillojmë të parët në mënyrë që të kontribuojmë në bashkimin e qytetit të Mitrovicës duke larguar këto barrikada nga rrugët, por nga këtu po i çojë selam edhe kryetarit të Veriut të Mitrovicës, Goran Rakiqit, që edhe ai e qytetarët e vetë të marr iniciative dhe të largojë barrikadat që janë në Veri”.
“Për disa ditë do të jem në vizitë jashtë vendit dhe me 15 nëntor, besoj se do ta largojmë edhe barrikadën tjetër në lagjen e boshnjakëve (sheshin Adem Jashari), por besoj që deri atëherë edhe Rakiq do t`i largojë barrikadat në veri të Mitrovicës”
Në anën tjetër, nuk ka asnjë shenjë se barrikada që është vendosur nga strukturat kriminale serbe në verën e vitit 2011 tek Shkolla Teknike në pjesën e epërme të Lagjes së Boshnjakëve, do lëvizë prej aty.
Makinat të cilat kalojën andej pari duke të kalojnë nëpër trotuare për të hyrë në pjesën veriore të Mitrovicës.
Po ashtu edhe i ashtëquajturi Parku i Paqes që është vendosuar nga qeveria e Beogradit në urën kryesorë të lumit Ibër, edhe pse është rrethuar me panele të llamarinës për fillimin e rikonstruksionit, ende nuk është larguar prej aty.
Megjthatë, Bahtiri e dha një garanci që dhe barrikada serbe Parku i Paqes do largohet një ditë. “Punët mbi urë kanë filluar, siç është paraparë në Marrëveshjen e Brukselit, por po theksoj se në qershor të vitit të ardhshëm ura do të jetë e lirë për qarkullim”, tha ai, si një garanci që dhe serbët do detyrohen t`i vënë kazmën Parkut të tyre famëkeq, i cili vetëm paqe nuk përçon. /tesheshi.com/
