Disa të rinj kanë shkruar një letër ku theksojnë se janë ata që e kanë vendosur flamurin kombëtar në xhaminë e fshatit pasi imami është dënuar disa herë.
“Jemi dy të rinj të Gerajve dhe sonte e kemi vendosur flamurin në xhaminë e fshatit, edhe pse jo në minare pasi dera ishte e mbyllur për shkaqe sigurie nga imami i xhamisë, i cili u dënua vitin e shkuar nga shkiet pasi e vuri flamurin në minare. Ne nuk do të ndalojmë sërish do ta vendosim flamurin këtu”, shkruajnë të rinjtë në faqen e rrjetit social të presheva.com.
Fshati Geraj njihet si një katund rebel dhe që gjithmonë ka treguar rezistencë ndaj pushtetit serb dhe në verën e vitit 2001 ka qenë baza e mbështetjes së rezistencës së armatosur së UÇPMB-së.
Simboli kombëtar në Festën e 28 Nëntorit të vitit të kaluar ishte vendosur në xhami nga imami Hafëz Nexhatiu, por ai u gjobit me 300 euro.
Ndërkohë, edhe në komunën e Preshevës që në orët e mengjesit është valëvitur flamuri shqiptar. Pa bërë zë zyrtarët e komunës e kanë vendosur atë në ballkon që në orët e para të mëngjesit. /tesheshi.com/
