Shqiptarët e Preshevës refuzojnë të militojnë në ushtrinë e Serbisë. Mbi 1 mijë ushtarë nga Lugina shërbejnë në ushtritë e vendeve të tjera si Kosova, Shqipëria, SHBA, Zvicër, Gjermani etj, por ata nuk pranojnë të militojnë në ushtrinë serbe.
Siç bën të ditur Presheva Jonë, që nga viti 2011, Ministria e Mbrojtjes e Serbisë u ka bërë disa herë thirrje shqiptarëve të Luginës që të regjistrohen si pjesë e armatës që po kthehet në profesioniste, por deri tani asnjë, po po asnjë shqiptar etnik nuk është bërë pjesë e trupave zyrtare serbe.
Kjo ka ardhur edhe prej mënjanimit të qëllimshëm të shtetit serb për të integruar pakicat në shtetin e tyre.
Akademia ushtarake e Serbisë, që pas rënies së komunizmit nuk ka pranuar asnjë kandidat shqiptar që më pas do të ishte një nga oficerët e ushtrisë. Dhe pikërisht për këtë fakt kanë munguar regjistrimet e ushtarëve. Deri para disa vitesh shteti i përndiqte ata të rinj që nuk shkonin ushtarë duke i burgosur.
Dhe kjo është një nga arsyet e braktisjes së Luginës së Preshevës nga rinia. Por më pas ushtria u bë profesioniste dhe nisi fushata e regjistrimit. Në disa qëndrime të eprorëve serb, ata kanë thënë se i preferojnë për ushtarë shqiptarët pasi janë shtatlartë dhe me fizik të përshtatshëm për armatën.
Por të rinjtë nuk kanë pranua, kanë marrë rrugën e kurbetit./tesheshi.com/
