Shqiptarët e Preshevës kanë nisur një protestë ndaj qeverisë së Serbisë për mungesën e teksteve për fëmijët e tyre.
Pas dështimit të nisedimeve mes qeverisë së Beogradit dhe shqiptarëve, Këshillit Kombëtar Shqiptar është takuar me drejtorët e shkollave fillore dhe të mesme me mësim në gjuhën shqipe në Luginën e Preshevës, ku është shqyrtuar situata e krijuar rreth teksteve mësimore për shkolla fillore. Është vendosur që sot të bojkotohet mësimi i orsë së parë, për dy ndërrimet, në të gjitha shkollat me mësim në gjuhën shqipe në Luginën e Preshevës.
Sipas një deklarate të lëshuar: “Arsimimi në gjuhën amtarë, jo që është i grantuar me ligjet dhe kushteutën në fuqi, por edhe me aktet më të larta ndërkombëtare edhe më tej këtë të drejtë nuk e gëzojnë nxënësit shqiptarë të Luginës së Preshevës”.
Qeveria e Kosovës ka dhënë një donacion prej 103 222 tekste mësimore të cilat janë bllokuar që nga 10 shtatori në terminalin doganor në Preshevë.
Në shkollat në gjuhën shqipe në Luginën e Preshevë mësimi zhvillohet pa tekste mësimore, e cila është e papranueshme dhe qasje diskriminuese.
Këshilli Kombëtar Shqiptar iu është drejtuar të gjitha institucioneve shtetërore të Republikës së Serbisë dhe përfaqësive ndërkombëtare, për zgjidhjen e kësaj çështje të ndjeshme dhe komplekse. Por nuk ka pasur gadishmëri institucionale dhe vullnet politikë që në mënyr serioze të zgjidhet mungesa e teksteve mësimore në gjuhën shqipe e aq më pak për lirimin e teksteve nga terminali doganor. /tesheshi.com/
