Shqiptarët e Malit të Zi kanë reaguar ashpër pas aktit vandalist të djegies së flamujve të Shqipërisë dhe Kosovës në Podgoricë nga njerëz ende të paidentifikuar.
Kreu i Këshillit Kombëtar i Shqiptarëve në Malin e Zi, Genci Nimanbegu është takuar me Ermal Filon, të ngarkuarin e Tiranës zyrtare dhe Blerim Xhemajlin, diplomatin e Prishtinës, për t’u sqaruar me rrethanat e ngjarjes.
Më pas, këshilli ka lëshuar një deklaratë të ashpër që e konsideron ngjarjen si “asgjë gjë tjetër përveç akte të shëmtuara, shfaqje të urrejtjes, tregues të mosrespektit dhe mostolerancë ndaj një kombi”.
“Prandaj si shoqëri kemi nevojë të punojmë më shumë në integrimin dhe avancimin e vlerave demokratike, kulturore dhe ndëretnike”, thuhet më tej në deklaratë.
Nimanbegu i kërkoi krerëve të qeverisë së Podgoricës të identifikohen autorët dhe të vihen para drejtësisë”. /tesheshi.com/
