Pritet që Parlamenti i Malit të Zi të debatojë për asimilimin që po kryhet në fshatrat e Krajës nga ana e Kishës Ortodokse Serbe.
Pas potencimit të këtij problem të madh nga ana e tesheshi.com, deputeti shqiptar në Mal të Zi, Genci Nimanbegu ka thirrur në inteprelancë urgjentekryeministrin Milo Gjukanoviç, i cili do t`u përgjigjet pyetjeve të deputetëve të Kuvendit.
Deputeti i Forca-s, do ta pyesë kryeministrin për me masat që planifikon të marrë qeveria në lidhje me ndërtimin e kishave serbe në ujdhesat e Liqenit të Shkodrës.
Këto objekte po ndërtohen në mënyrë të vazhdueshme nga Kisha Ortodokse Serbe, kryesisht afër brigjeve të Krajës, duke cënuar seriozisht trashëgiminë historiko-kulturore të kësaj zone.
Në zgjedhjet e fundit lokale në komunën e Tivarit, Kraja me shumicë votoi partitë malazeze, të cilat janë edhe pjesë e pushtetit.
Nga shqiptarët që veprojnë në këto parti, në asnjë moment nuk është dëgjuar ndonjë iniciativë për ngritjen e kësaj çështjeje në nivel komune, e jo më në nivel shtetëror.
Ndërkaq, në Krajë para pak ditësh është zhvilluar një tubim i madh për festën e Gështenjave ku morën pjesë jo vetëm shqiptarë nga Mali i Zi por nga të gjitha trevat.
Në këtë event kanë marrë pjesë edhe kryebashkiakja e Shkodrës, Voltana Ademi, kryebashkiaku i Ulqinit dhe i Tivarit.
Znj. Ademi, kreu i bashkisë së Shkodrës tha se me Krajën ekzistojnë lidhje të vecanta.
Paraardhësit e saj janë me prejardhje nga Kraja, dhe ajo u shpreh e emocionuar që gjendet në mesin e “njerëzve të vet”.
Në mbledhjen e përbashkët me kryetarët e komunave të Tivarit dhe Ulqinit, ishin prezentë edhe deputetët shqiptarë në Kuvendin e Malit të Zi, Luigj Shkreli dhe Genci Nimanbegu, nënkryetari i Kuvendit Suljo Mustafiç, zyrtarë të Bashkësisë Lokale.
/tesheshi.com/
