Turma beson se Benfica do të fitojë nëse shqiponja bën dy fluturime rreth tribunës dhe se kundërshtari do të festojë nëse bën vetëm një rreth para se të zbresë në stemën e klubit të vendosur në qendër të
Para çdo ndeshje të klubit portugez të futbollit Benfica, një shqiponjë e madhe fluturon mbi tribunat e stadiumit, më pas ulet në stemën e klubit të vendosur në qendër të fushës, ndërsa tifozët ndjekin me entuziazëm fluturimin e saj. Shqiponja, simboli i Benfica-s, prej vitesh është pjesë e spektaklit në stadiumin Luz në Lisbonë me 66500 vende.
Megjithatë, një parti politike dhe një organizatë joqeveritare për mbrojtjen e kafshëve kanë kërkuar heqjen e këtij zakoni.
“Kafshët e egra nuk kanë vend në sport, por në natyrë ku duhet të jetojnë lirshëm”, tha Ines Sousa Real, një përfaqësuese 41-vjeçare e partisë People, Animals, Nature (PAN) në parlamentin portugez.
“Të duash kafshët do të thotë të respektosh natyrën dhe lirinë e tyre të egër”, shtoi ajo në Tëitter.
Heqjen e kësaj tradite në një nga klubet më të njohura në Evropë e ka kërkuar organizata joqeveritare PETA para fillimit të kampionatit portugez.
Shqiponjat me emrin “Fitorja” dhe “Lavdia”
“Shqiponjat janë shpendë të vetmuara, nuk duhet të jenë në ambientin stresues dhe të zhurmshëm të stadiumit”, thuhet në letrën e dërguar nga PETA për klubin. “Këto shpendë të bukura fluturojnë në hapësira të gjera, kalojnë pjesën më të madhe të kohës në pemë dhe gjuajnë lirshëm në një zonë të madhe. Ky lloj ambienti krijon zhgënjim dhe stres ekstrem për ta”.
Një punonjës i Benfikës me një shqiponjë të stërvitur në dorë hyn në ashensorin e stadiumit dhe më pas e lëshon atë përpara bilbilit fillestar të gjyqtarit.
Më shpesh fluturon një shqiponjë e quajtur Vitoria (Fitorja). Një punonjës tha se ata kanë tre shqiponja, njëra prej të cilave quhet Gloria (Lavdi).
Publiku beson se Benfica do të fitojë nëse shqiponja bën dy fluturime rreth tribunës dhe se kundërshtari do të festojë nëse bën vetëm një rreth. /tesheshi.com/
