VMRO ka vepruar njëjtë si muaj më parë, kur ende ishte në pushtet dhe i thoshte Zaevit: merr qeverinë, vetëm mos pranon Platformën e Tiranës. Zaev erdhi në fakt në pushtet në një mënyrë krejt tjetër, edhe me pak gjak, e tani partia kryesore në opozitë i ofron tjetër pakt, atë për rrëzimin e Ligjit të Gjuhëve, ndryshe shqipes, duke i thënë:
“Nëse Zaev druhet se mund t’i rrëzohet qeveria, ne si VMRO-DPMNE jemi të gatshëm me deputetët tanë të mbështesim qeverinë e tij në të gjitha proceset reformuese vetëm me një kusht: ta largojë nga procedura parlamentare Ligjin për përdorimin e gjuhëve”, deklaroi kështu kreu i VMRO-së Hristijan Mickoski. Por Zaev, pasi e quajti ofertën e Mickoskit si Grueviste, tha se Ligji do kalojë këtë javë.
“Dialogu është i rëndësishëm. Neve bisedojmë dhe do të bisedojmë por këtë javë ligji duhet përfundimisht të miratohet”, theksoi kreu i qeverisë maqedonase. /tesheshi.com/
