Deputeti BDI-së, Artan Grubi, ka bërë me dije strategjinë anti-shqipe të opozitës maqedonase, më saktë VMRO-së, të palodhurës për të kundërshtuar e penguar po ashtu, ligjin e zyrtarizimit të shqipes si gjuhë e dytë zyrtare në Maqedoni.
Në një intervistë telefonike për TCH, Grubi tha se “Dorëzimi i mbi 30 mijë amendamenteve nuk paraqet asgjë përveçse një përpjekje për ta bllokuar barazinë e gjuhës shqipe me atë maqedonase, por edhe për të bllokuar proceset reformuese të Kuvendit. Mendoj se kjo përpjekje e VMRO-DPMNE mund ta zgjasë procedurën për miratimin përfundimtar të ligjit për gjuhën, por nuk mund ta ndaloje atë”.
Sipas Grubit, po kërkohen mënyra për të dalë nga ngërçi administrativ kur po tenton ta fusë rimiratimin e shqipes VMRO-ja.
Pas mosdekretimit të ligjit nga ana e Presidentit Ivanov, shqipja duhet të kalojë dhe njëherë për rivotim në parlament. Por kësaj here nuk ka asnjë pengesë për t’u jetësuar në realitet. /tesheshi.com/
