Kristian Panuçi do të jetë trajner i Kombëtares së Shqipërisë.
Ish-mbrojtësi i përfaqësueses italiane me pamje prej buzëqumshti, është përzgjedhur mes italianëve të tjerë pretendentë, sic ishin Camolese apo Zenga.
Mediat italiane e kanë dhë të parat lajmin, i cili është konfirmuar edhe nga njerëz pranë Federatës Shqiptare të Futbollit.
Panuçi e ka nisur karrierën e trajningut si zëvendës i Fabio Kapellos, kur ai drejtonte Kombëtaren e Rusisë. Më pas ka marrë drejtimin e skuadrave të Livornos e Ternanës. Prej kohësh ish-mbrojtësi i Romës dhe Milanit ka luajtur rolin e opinionistit në mediat italiane dhe tashmë ka marrë përsipër të drejtojë kombëtaren kuq e zi.
Ashtu edhe siç u përfol më parë, pas largimit të De Biazit, FSHF vuri në qendër të prioriteteve një trajner italian, edhe pse nuk “u mbyll” për të huaj të tjerë. Informacionet paraprake bëjnë të ditur se Panuçi nuk “është hedhur” në pretendime të larta financiare, por ka pranuar ofertën e autoriteteve shqiptare të futbollit. Ec aty Kristo! /tesheshi.com/
