Kombëtarja shqiptare e futbollit ka mbërritur në Shkup. Të hënën kuqezinjtë do të zhvillojnë ndeshjen e rradhës kundër Maqedonisë në kuadër të eliminatoreve për Botërorin “Rusia 2018”, e cila do të luhet në stadiumin e Strumicës.
Udhëtimi i kombëtares shqiptare është bërë me autobuz, i cili është ndalur vetëm në hotelin ku kuqezinjtë do të kalojnë natën, pasi të hënën në mëngjes do të udhëtojnë drejt qytetit ku do të luhet takimi.
Nën masa të forta sigurie, jo vetëm të policisë maqedonase, por edhe forcave private të një komapnie private të kontraktuar nga FSHF, ekipi kombëtar është akomoduar në hotel rreth orës 18:45 të pasdites së sotme.
Pavarësisht se ka qenë një udhëtim i gjatë, ekipi nuk ka ndaluar në asnjë prej qyteteve. /tesheshi.com/
